Sunna Kristín á leiðinni í fyrsta danstíma vetrarins. | 5 ófeimnir |
| 07.09.2007 @ 00:18 | bjorninn | Þaldénú, var að setja inn myndir. Sumarmyndir 2007, ég endurtek 2007. Sumarið eftir Spánarferðina. Já, og til hamingju með ammælið stóra systir. | 2 ófeimnir |
| 27.08.2007 @ 21:04 | bjorninn | Tékkið á þessu: www.kiva.org
Þarna getið þið lánað t.d. konu í Kenýa 25 dollara til að hún geti opnað skóbúð, eða karli í Búlgaríu sömu upphæð svo hann geti opnað reiðhjólaverkstæði, já eða bara eitthvað allt annað. | 3 ófeimnir |
| 27.07.2007 @ 21:01 | bjorninn | Ég skil ekki af hverju allir hinir eru ekki löngu búnir að gefast upp. Nick Cave er löngu búinn að vinna þetta, djöfuls fokkins snillingur! | 9 ófeimnir |
| 04.07.2007 @ 22:31 | bjorninn | Eru ekki allir í stuði fyrir jóla og áramótamyndir? Ég hélt það. Var semsagt að setja jóla og áramótamyndirnar inn á myndasíðuna. Alveg er þetta magnaður dugnaður. | 2 ófeimnir |
| 03.07.2007 @ 09:07 | bjorninn | ...og stuðið heldur áfram. Enn fleiri myndir komnar inn. Nú myndir frá því við fórum í sumarbústað í Hvalfirði í vetur. | Verið ófeimin! |
| 01.07.2007 @ 22:49 | bjorninn | Það held ég að björninn sé í stuði í dag. Setti inn annan skammt af myndum, frá því núna í vor, páskar, afmælið hans Gísla Tjörva og eitthvað fleira. Nú er bara tæplega árs gat þarna á milli sem þarf að stoppa upp í. Það verður nú lítið mál fyrir svona nagla. | 1 ófeiminn |
| 01.07.2007 @ 17:15 | bjorninn | Myndir úr Spánarferðinni komnar inn á myndasíðuna. | Verið ófeimin! |
| 07.06.2007 @ 23:38 | bjorninn |
Hér má sjá spánna fyrir Nice | 3 ófeimnir |
Stuðningur við Sjálfstæðisflokk: 6.25%
Stuðningur við Framsóknarflokk: 20%
Stuðningur við Samfylkinguna: 37.5%
Stuðningur við Vinstri-Græna: 37.5%
Stuðningur við Frjálslynda flokkinn: 18%
Stuðningur við Íslandshreyfinguna: 30%
| 07.05.2007 @ 23:58 | bjorninn | Lýst er eftir karlmanni!
Lýst er eftir sænsk-íslenskum karlmanni á fertugsaldri. Síðast sást til hans grátandi fyrir utan sænska áfengisverslun, með u.þ.b. 1000 SEK í hendinni, eftir að chel$ki klúðruðu enska meistaratitlinum í gær. Hann var klæddur í þröngan hjólabúning, og var á gönguskíðum. Þess má geta að maðurinn er haldinn öryggismyndavélafælni, og sést helst ekki í námunda við þær. Þeir sem hafa upplýsingar um ferðir mannsins eru vinsamlegast beðnir að láta Annþór vita hvar hann er. | Verið ófeimin! |
| 03.05.2007 @ 08:16 | bjorninn | Vegna tæknilegra örðugleika er ekki hægt að kommenta í augnablikinu. | 13 ófeimnir |
| 02.04.2007 @ 00:27 | bjorninn | Sjóðheitar myndir frá fyrri hluta sumars 2006 komnar inn á myndasíðuna. Er hægt að biðja um eitthvað meira? | 8 ófeimnir |
| 18.03.2007 @ 11:34 | bjorninn | Björninn er ekki dauður úr öllum æðum, ónei! Var að setja inn nokkrar myndir í fjölskyldualbúmið á myndasíðunni. Ekkert voðalega nýjar myndir samt. Enda er miklu skemmtilegra að skoða gamlar myndir heldur en nýjar. Ætla svo að reyna að taka mig á í myndamálunum og koma restinni af myndunum þarna inn á næstunni. Verið samt ekkert að halda niðri í ykkur andanum! | 1 ófeiminn |
| 27.01.2007 @ 11:35 | bjorninn | Sjóðheitar páskamyndir frá 2006 eru komnar inn í myndaalbúmið. Djöfuls harka í Birninum alltaf hreint, eldsnemma á laugardagsmorgni. | 2 ófeimnir |
| 27.01.2007 @ 00:34 | bjorninn |
Svona teiknar maður bíl í MS Paint. Hver þarf fótósjopp? | Verið ófeimin! |
| 23.01.2007 @ 23:54 | bjorninn | Ef þið þurfið að bæta línu í iptables eldveginn ykkar til að hleypa inn traffík á einhverju porti, ekki vera þá vitlaus og setja hana á eftir þessari línu:
REJECT all -- anywhere anywhere reject-with icmp-host-prohibited
| 22.01.2007 @ 11:00 | bjorninn | Nýjar myndir? Nei, ekki alveg, en gömlu myndirnar eru komnar í nýjan búning. Sama notandanafn og lykilorð og síðast, ef menn vilja sjá eitthvað krassandi. Kannski koma nýjar myndir einhvern tímann þegar ég er hættur að smíða eldhús. | 9 ófeimnir |
| 20.01.2007 @ 16:04 | bjorninn | Veit einhver hvernig Liverpool - Chel$ki fór í dag? | 5 ófeimnir |
| 18.01.2007 @ 16:45 | bjorninn | Gömlu myndirnar komnar á sinn stað. | 1 ófeiminn |
| 18.01.2007 @ 11:50 | bjorninn | Rífandi gangur í þessu. Búinn að laga tímann á færslunum! | 2 ófeimnir |
| 18.01.2007 @ 11:36 | bjorninn | Jæjajæja, björninn kominn í loftið aftur eftir mikið bras. Það er semsagt kominn nýr og flottur server í hús. Búið að setja allt upp á honum, og slátra því með skipuninni "yum update" og setja allt upp aftur. Verður vonandi í lagi núna.
Það er ýmislegt sem á eftir að laga, t.d. eru dagsetningarnar á færslunum í einhverju fokki. Á líka eftir að setja allar gömlu myndirnar inn aftur. Svo gæti verið pláss nún fyrir nokkrar fleiri myndir meira að segja, þannig að kannski koma inn nýjar myndir fyrir næstu jól. Hver veit? | Verið ófeimin! |
| 16.11.2006 @ 14:15 | bjorninn |
Sunna Kristín snillingur er fjögurra ára í dag! Set sumarmynd af henni hér af því það er svo kalt í dag.
| 06.11.2006 @ 16:15 | bjorninn | Úr Fréttablaðinu:
Karlmaður dæmdur í 12 mánaða fangelsi fyrir að stinga annan mann 5 sinnum með hnífi.
Kona á fimmtugsaldri dæmd í 9 mánaða fangelsi fyir að stela jólagjöfum og jólamat.
| 29.05.2006 @ 14:17 | bjorninn | Er byrjaður í heilsuátaki. Ekki danski kúrinn, ekki greipkúrinn, ekki Atkins, og ekki sveppate. Heldur er það þetta og þetta sem er málið. | 8 ófeimnir |
| 24.05.2006 @ 09:54 | bjorninn | Hvar verður þú þann 16. september? Ég verð þarna. | 4 ófeimnir |
| 15.04.2006 @ 15:55 | bjorninn | Þá er komið að því...tadadadada...fullt af myndum á myndasíðunni! | 1 ófeiminn |
| 25.03.2006 @ 22:04 | bjorninn | Skyldi Inga Jóna hafa verið sætasta stelpan á ballinu? Maður spyr sig. | 18 ófeimnir |
| 15.03.2006 @ 16:29 | bjorninn | Það er náttúrulega bráðnauðsynlegt að skattleggja sjúkrastyrki krabbameinssjúklinga og annarra aumingja til að geta borgað fyrir svona sprell. | 4 ófeimnir |
| 08.03.2006 @ 18:09 | bjorninn | Aðal skvísan í bænum, hún Hrafnhildur, á afmæli í dag, húrra, húrra, húrra. | 2 ófeimnir |
| 02.03.2006 @ 23:32 | bjorninn | Nokkrar myndir í viðbót komnar. | 4 ófeimnir |
| 01.03.2006 @ 01:01 | bjorninn | Drengur fæddur 28.02.2006 klukkan 22:32, 53 cm og 3540 grömm. Öllum heilsast vel. Ein mynd komin á myndasíðuna. | 10 ófeimnir |
| 20.02.2006 @ 21:08 | bjorninn | Til hamingju Ísland! Snilldin ein. Horfðum á Eurovisjón á bíótjaldinu hjá Kollu og Palla með heimilisfólkinu og Heiðu og Pésa. Það var ekki slæmt. Fórum svo í heimsókn til Örnu og Bogga á sunnudaginn að skoða nýja húsráðandann þar. Að öðru leyti ekki búið að gera mikið. Jú Gísli Tjörvi spilaði á tónleikum í Ráðhúsinu með bekkjarsystkinum sínum. Spilaði og gítar og trommur og söng líka. Var auðvitað langflottastur.
Svo var ég að setja inn jóla og áramótamyndirnar. Spáið í það. | 6 ófeimnir |
| 08.02.2006 @ 21:57 | bjorninn | Vegna gríðarlegrar eftirspurnar bætti ég inn nýjum myndum. Þetta eru myndir úr sumarfríinu 2005. Jólamyndirnar koma svo í sumar! | 2 ófeimnir |
| 07.02.2006 @ 16:38 | bjorninn | Opnaði aftur aðganginn inn á myndirnar með notandanafnið gestur. Þetta gæti samt orðið eitthvað skrýtið, sérstaklega ef svo ólíklega vill til að fleiri en einn séu að skoða í einu. Þetta hefur maður upp úr því að nota eitthvað rusl sem aðrir búa til! | 6 ófeimnir |
| 07.02.2006 @ 14:16 | bjorninn | Þetta er ekkert að virka með myndirnar. Kannski verður einhvern tímann hægt að skoða myndirnar aftur, kannski ekki. | Verið ófeimin! |
| 07.02.2006 @ 14:13 | bjorninn | Nú er hægt að skoða myndirnar aftur, en það þarf að skrá sig inn. Notandanafnið er gestur. Ef ykkur vantar lykilorð, hringið þá í pabba og spyrjið hann hvaða sígarettur hann reyki. | Verið ófeimin! |
| 06.02.2006 @ 11:10 | bjorninn | Jæjajæja, hvaða læti eru þetta? Er búinn að ákveða að héðan í frá verður síðan ekki uppfærð nema ársfjórðungslega. Allt gott hér. Ýmislegt gerst síðan síðast.
Erum m.a. búin að fara tvisvar í leikhúsið. Fyrst fór hele familien að sjá Klaufa og Kóngsdætur. Það var rosa stuð, Sunna Kristín að fara í fyrsta skipti í leikhúsið, og fannst þetta mjög gaman. Síðan fórum við Hrafnhildur að sjá Túskildingsóperuna sem var líka þrusufín sýning.
Gísli Tjörvi fékk vitnisburðinn sinn fyrir haustönnina, og skemmst frá því að segja að hann er snillingur, eins og allir náttúrulega vita. Fékk rosa flottar einkunnir, og þar að auki er hann fyrirmyndarnemandi í alla staði. En þetta kemur auðvitað engum á óvart.
Við erum búin að vera að taka kompuna á ganginum í gegn hjá okkur, og erum búin að breyta henni í fataherbergi. Getum þá sleppt því að hafa fataskápa eða kommóður inn í herbergi hjá krökkunum, enda máttu herbergin varla við því. Þegar við rifum allt út kom í ljós að einn veggurinn var meira og minna ónýtur, og þurfti að brjóta og bramla og steypa. Tókum svo dúkinn af gólfinu, lögðum flísar í staðinn, máluðum og settum upp hillur. Orðið flottasta herbergið í íbúðinni, og eru nú mörg flott fyrir.
Júróvisjón hefur nú oft verið ömurleg, en nú held ég að keppnin sé búin að toppa sjálfa sig og gott betur. Treysti á að Sylvía Nótt verði send út, þá er að minnsta kosti hægt að hlæja að þessu. Kannski maður kjósi bara í fyrsta skipti í þessu rugli á laugardaginn. Áfram Sylvía. Maður verður að gera allt í sínu valdi til að grenjuskjóðan Kristján Hreinsson komist ekki út með eitthvað af þessum vælulögum. Það góða við þetta er að við vinnum örugglega ekki, og þá er öruggt að Garðar og Brynhildur verða þá ekki kynnar í aðalkepnninni á næsta ári. Það yrði nú meiri þjóðarskömmin. Veit annars ekki hvað ég er að þusa um Júróvisjón. Svona er að búa með Júróvisjónfríki og eiga nokkur sem mágkonur, maður skemmist á þessu helvíti.
Já, og svo voru Arna og Boggi að eignast dreng á föstudaginn! Til hamingju með það! Átt þú ekki að vera að skipta á bleyjum Borgþór í staðinn fyrir að sörfa netið og rífa kjaft?
Best að fara að drullast til að vinna eitthvað. Hér er reyndar fín grein um vitleysingana sem reyna að stýra tónlistarbransanum, sem hollt er fyrir alla að lesa. Heyrumst í maí.
| 5 ófeimnir |
| 10.01.2006 @ 18:33 | bjorninn | Jæ vil ha en faðöl! Ahhh...það er nú betri bjór í Danmörku en í Svíþjóð! | 2 ófeimnir |
| 10.01.2006 @ 15:02 | bjorninn | Heja Sverige!
Sit á Arlanda að bíða eftir flugvélinni minni til Kaupmannahafnar. Þarf svo að bíða þar eftir flugvélinni minni til Íslands. Ætlaði að nota tímann og skrifa eitthvað bögg í kommentin á kúrbítnum en þá liggur hann auðvitað niðri eins og venjulega. Bið að heilsa, heyrumst kannski á Kastrup. | 2 ófeimnir |
| 04.01.2006 @ 15:26 | bjorninn | Jæja, ætli sé ekki kominn tími til að segja Gleðileg jól, já og Gleðilegt ár líka, það er víst komið 2006. Jólin og áramótin voru fín hjá okkur. Vorum bara í rólegheitunum á Meistaravöllunum. Ekkert brunað í sveitina þetta árið, enda frekar slöpp jól þetta árið hvað frídaga varðar. En það kom ekki í veg fyrir að mikið væri etið, bæði af kjöti, konfekti og fleira góðgæti. Við vorum fjögur í rólegheitum á aðfangadagskvöld. Heiða og Pétur komu svo í hangikjet til okkar á jóladag. Spiluðum við þau Trivial, hefðum auðvitað getað burstað þau ef við hefðum viljað, en leyfðum þeim að vinna. Á gamlárskvöld komu síðan Kolla og Palli og strákarnir þeirra til okkar, borðuðu með okkur kalkún og hjálpuðu okkur að sprengja. Nú er hversdagurinn tekinn við og skólarnir byrjaðir hjá Sunnu Kristínu og Gísla Tjörva. | 7 ófeimnir |
| 16.12.2005 @ 22:08 | bjorninn | Snillingurinn hann Gísli Tjörvi var að fá viðurkenningu fyrir þessa stórglæsilegu mynd af honum Gáttaþefi sem hann sendi inn í jólakortasafn menntagáttar. Krakkar í öllum grunnskólunum voru að senda inn kort þarna, og svo voru 20 valin úr. Ekki að spyrja að hæfileikunum í þessari fjölskyldu.
Allt fínt að frétta að öðru leiti. Eða er það leyti? Allir hressir og kátir bara. Allt að verða klárt fyrir jólin. Búið að versla næstum allar jólagjafir, jólakortin langt komin, búið að baka piparkökur, súkkulaðibitakökur, biscotti og búa til nammi.
Sunna Kristín fór á jólaball í leikskólanum í dag. Borðaði þar smákökur og gotterí og dansaði við Stúf og Þvörusleiki kringum jólatréð með öllum hinum krökkunum. Henni fannst rosa gaman, og var ekkert smeik við sveinana, enda hugrökk eins og pabbi sinn. | 10 ófeimnir |
| 23.11.2005 @ 20:55 | bjorninn | Hann Halldór Tjörvi á víst afmæli í dag. Til hamingju með daginn gamli! | 13 ófeimnir |
| 21.11.2005 @ 11:57 | bjorninn | Hafrún reddaði auðvitað málunum. Hún og Björgvin komu til okkar í gærkvöldi. Borðuðu með okkur lambalæri og meððí, og svo ís og rjóma í eftirrétt. Ekki leiðinlegt það. Þau pössuðu svo fyrir okkur þessar elskur, svo við komumst semsagt á tónleikana, og ég held að enginn hafi orðið fyrir vonbrigðum.
Byrjunin var mögnuð. Þau byrjuðu á Blue Orchid, og svo hvert lagið á fætur öðru með ógurlegu trukki. Það var reyndar smá vesen á sándinu í einum gítarnum hans Jack's um miðbikið, sem skyggði aðeins á. Hljóðmennirnir voru full lengi að laga það. En þegar því var reddað voru þau enn betri en áður, og þegar þau tóku 7 Nations Army undir lokin, varð allt vitlaust. Mögnuð snilld. Held að Meg sé mesti töffari sem ég hef séð.
Misstum reyndar alveg af Jakobínarína, eða Jakobínurínu, eða hvernig maður á að segja þetta, sem hituðu upp. Skilst samt að við höfum ekkert misst af neitt allt of miklu, en hefði samt verið gaman að sjá þá aðeins. Ekki leiðinlegt að vera nýskriðinn yfir fermingu og fá að hita upp fyrir band eins og White Stripes. Gott mál að gefa krökkunum svona sénsa. Mætti vera meira af því, og minna af Mínus og Vynil og svoleiðis viðbjóði.
Best að hækka í græjunum og reyna að halda áfram að vinna.
| 3 ófeimnir |
| 20.11.2005 @ 13:44 | bjorninn | Komumst heilir á húfi frá París. Sáum nú engin merki um neinar óeirðir þar sem við vorum. Enda vorum við mest lokaðir inni á sýningunni, og sáum því ekki mikið af París. Náðum nú aðeins að kíkja út þessi tvö kvöld sem við vorum þarna, en það var ekki mikið. En sýningin var stór og flott.
Sunna Kristín varð svo þriggja ára á miðvikudaginn, og finnst hún orðin ótrúlega stór. Þarf ekki hjálp við neitt, og finnst fúlt að mega ekki fara í tölvuna fyrst hún er orðin svona stór.
Svo eru það White Stripes í kvöld, vonandi. Erum ekki enn búin að ná í Hafrúnu sem við ætluðum að reyna að plata til að passa. Hafrún hvar ertu?!?! Það er lambalæri í kvöldmatinn að launum! | Verið ófeimin! |
| 14.11.2005 @ 13:24 | bjorninn | Jæja. Kannski maður dusti aðeins rykið af þessu hérna. Allt gott að frétta héðan. Sunna Kristín hélt afmælisveisluna sína núna á laugardaginn. Bauð fullt af fólki í súkkulaðiköku með nammi og aðrar kræsingar. Amalía amma, Tjörvi afi og Elli komu til Reykjavíkur um helgina, og amma og afi komu í veisluna. Elli gat það ekki, því hann var að kubba. En hann kom svo í smá heimsókn á sunnudaginn.
Ég er svo að fara til Parísar í fyrramálið. Ætla að reyna að koma einhverju skikki á þetta lið þarna. Kíki á Cartes í leiðinni. Þetta er svona sýning þar sem allt það nýjasta sem tengist greiðslukortaviðskiptum er til sýnis. Förum tveir héðan úr vinnunni hjá mér. Verðum þar á bás með Verifone að sýna okkur. Ætlum líka að skoða alla hina. Kem heim aftur á fimmtudagskvöldið. | 2 ófeimnir |
| 04.11.2005 @ 14:55 | bjorninn | Er byrjaður að selja dóp í Borgarholtsskóla. Fínasti peningur fyrir litla vinnu. Auðvitað á maður ekki að grínast með svona, en gat bara ekki annað. | 4 ófeimnir |
| 10.10.2005 @ 11:27 | bjorninn | Kominn í vinnuna. Hristi þessa pest af mér með vinstri, enda fátt leiðinlegra að hanga heima með viðbjóð. Sunna Kristín fór líka á leikskólann í morgun, hlakkaði mikið til, enda búin að hanga heima alla síðustu viku. Hitt heimilisfólkið er hresst, a.m.k. enn þá. 7, 9, 13.
Komst að því að við dr. gunni eigum eitt sameiginlegt, en það er óbeit á gini eftir þynnku frá helvíti. Ginið minnir mig samt ekki á Þingvelli, heldur Hrossabithagann. Hef gert eina tilraun til að drekka gin núna í seinni tíð eftir að maður komst til vits og ára, ja, a.m.k. ára. Það fór ekki heldur vel, þannig að reikna með að láta þetta eiga sig í framtíðinni.
Gísli Tjörvi og Sunna Kristín eru búin að fá nokkrar óvæntar heimsóknir frá öfum núna síðustu dagana. Pabbi kom tvisvar í kvöldmat til okkar núna í síðustu viku og í vikunni þar á undan. Var ekki í slipp sjálfur að þessu sinni heldur með yngsta barnið. Jæja, það er víst næstyngst, en var ekki ættleitt fyrr en 1986. Í gær kom svo Tjörvi til okkar í kvöldmat og gisti. Er að fara í skólaferðalag, flýgur út til Ungverjalands núna eftir hádegið. | Verið ófeimin! |
| 07.10.2005 @ 23:17 | bjorninn | Helgarfrí að byrja. Held ég sé að fá pestina. Kominn með suddafína hálsbólgu, og held ég sé að fá hita. Djöfuls bömmer. Mér finnst nú alveg lágmark að láta mann vera veikan á virkum dögum svo maður fái frí út á þetta. Sunna Kristín er búin að vera heima alla vikuna, þannig að ætli ég taki ekki við núna og svo koll af kolli. Hrafnhildur er farin á næturvakt. Verður í nótt og næstu nótt. Held ég komi mér í koju, reyna að sofa viðbjóðinn úr sér. | Verið ófeimin! |
| 30.09.2005 @ 14:49 | bjorninn | Djöfull er æpoddinn minn flottur, nanananana. Og hann er ekki ónýtur ennþá, þannig að þetta lofar góðu.
Hér eru greinaskil.
Fékk mér svona aðgang hjá Audioscrobbler, þannig að nú er hægt að sjá hérna á hvað ég er að hlusta í tölvunni. Stórsniðugt alveg. Greinaskil. | 4 ófeimnir |
| 28.09.2005 @ 13:16 | bjorninn | Var að fá nýja dótið í hendurnar, og þá birtist þetta á mbl. Örugglega eitthvað sem Styrmir og Jónína hafa verið að sjóða saman. | 6 ófeimnir |
| 27.09.2005 @ 16:25 | bjorninn | Nýja dótið mitt lendir í Keflavík klukkan 0620 í fyrramálið. | 3 ófeimnir |
| 27.09.2005 @ 10:33 | bjorninn | Ef að heitasta parið í bænum, Jónína og Styrmir kynnu á PGP, væru fréttirnar kannski áhugaverðari í dag. | Verið ófeimin! |
| 25.09.2005 @ 22:55 | bjorninn | Er búinn að vera að þeyta mjólk í allt kvöld. Fórum í IKEA í dag, og ég fjárfesti í einum svona. | 4 ófeimnir |
| 23.09.2005 @ 13:43 | bjorninn | Það er snjókoma úti, ojbara. Að vísu bara eitt og eitt korn sem bráðnar jafn harðan, en viðbjóður engu að síður. Er heima í dag, og í gær, með Sunnu Kristínu því það eru námskeiðsdagar og starfsdagar og hvað þetta heitir allt saman á þessum leikskólum. Aldrei í vinnunni þetta lið. Við Sunna erum búin að nýta tímann vel og vera rosa dugleg. Búin að laga skápinn á ganginum, en hillurnar voru allar dottnar úr honum. Fórum síðan í gær og náðum í gamla rúmið hans Gísla Tjörva niður í geymslu, og það var sko ekkert smá verk að finna það þar. Og þá var bara hálfur sigur unninn því það átti eftir að draga það upp, undan hálfri búslóð af drasli, billy bókahillum, öðruvísi hillum, sófaborðum, sjónvarpsskáp, tveimur vögnum og ýmsu öðru. Sunna Kristín ætlar að fá rúmið og er rosa spennt að fá að sofa í því. Hún verður samt að bíða aðeins, því rúmið var allt út í límmiðum eftir Gísla Tjörva og fleiri fyrirrennara. Nú erum við Sunna búin að skafa alla límmiðana af, búin að pússa rúmið úti á svölum í skítakulda, og búin að lakka eina umferð yfir það. Þurfum sennilega að lakka aðra umferð, en hún fær örugglega að sofa í nýja (eins og nýja) rúminu um helgina. Hún er að fá sér blund eftir hádegismatinn núna, en fer að vakna bráðum. Þá ætlum við að kíkja eitthvað út, skreppa í búðina og kaupa í matinn, fara með buxurnar mínar í hreinsun því mér tókst að setjast ofan í tyggjóklessu, mjög næs. Sækjum síðan HH í vinnuna, og þá eru allir komnir í helgarfrí. Góða helgi! | 9 ófeimnir |
| 22.09.2005 @ 20:37 | bjorninn |
Arna Ásmundardóttir á stórafmæli í dag. Hún er búin að fá sér ný gleraugu fyrir þónokkru síðan.
| 08.09.2005 @ 11:48 | bjorninn | Djöfull er þetta kúl græja. | 12 ófeimnir |
| 07.09.2005 @ 13:52 | bjorninn | Já, gleymdi að segja frá því að Íris systir á víst afmæli í dag, úje. Til hamingju með daginn gamla mín. | 1 ófeiminn |
| 07.09.2005 @ 13:50 | bjorninn | Björn er ekki dottin í kannabisneyslu eins og sumir, ónei. Við Sunna Kristín erum saman heima í dag. Hún er búin að vera lasin síðan um helgina, fékk 40 stiga hita og skemmtilegheit á sunnudaginn. Held hún sé samt öll að braggast núna. Hrafnhildur er í vinnunni, og Gísli Tjörvi í skólanum. Var að dunda mér við að setja inn myndirnar frá U2 og Kaupmannahöfn. Engar myndir af litlu hafmeyjunni samt. Ekki margar af tónleikunum heldur. Flestar hreyfðar og úr fókus. Allir hoppandi í kringum mann eins og vitleysingar, enginn friður til að taka myndir. En þá er myndaskammturinn á tölvunni bara búinn, en samt slatti inni á myndavélinni sem þarf að fara að tappa af.
Ég, Hrafnhildur og Gísli Tjörvi fórum á Franz Ferdinand tónleikana í Kaplakrika á föstudaginn var. Magnaðir tónleikar. Franz gríðarhressir, næstum jafn hressir og Barði, en það toppar hann nú enginn í hressleika. Held enginn hafi orðið fyrir vonbrigðum, ja nema kannski Barði ef hann var þarna, sá hann samt ekki.
| 31.08.2005 @ 10:41 | bjorninn | Ef einhver var að velta fyrir sér hvað Garfunkel væri að gera. | 2 ófeimnir |
| 29.08.2005 @ 23:04 | bjorninn | Var að setja inn fleiri myndir frá því í sumar. Nú er bara eftir einn skammtur í tölvunni, myndirnar frá U2 og Danmörku, og svo það sem er í vélinni. Djöfuls harka alltaf hreint. | 3 ófeimnir |
| 27.08.2005 @ 15:07 | bjorninn | Fyrst að sumir eru svona duglegir að setja inn myndir á síðuna sína, ákvað ég að taka mig saman í andlitinu og bæta inn myndum frá því snemma í sumar. Fleiri myndir koma kannski fljótlega, smá bunki til sem á eftir að fara í gegnum. | 2 ófeimnir |
| 26.08.2005 @ 09:50 | bjorninn | Svosem ekkert að gerast hérna megin. Og þó. Sunna Kristín er að byrja á nýrri deild á leikskólanum, er að hætta á minnstu deildinni, Fjöruvík, enda allt að fyllast af grenjandi smákrökkum þar, og færa sig upp á miðdeildina, Skeljavík. Orðin ótrúlega stór. Gísli Tjörvi byrjaður í skólanum á fullu. Ég er ekki byrjaður í skólanum, og ætla ekkert að byrja, sem er gott svona til tilbreytingar. Pöntuðum okkur sumarbústað í gær, eina helgi í október, ætlum að hafa það gott, grilla og liggja í pottinum. Sami bústaður og við fórum í síðasta haust, í Akurgerði. Höfum góða reynslu af pottinum þar. Annars er maður aðallega búinn að vera að horfa á enska boltann. Ákvað að splæsa í það, svona fyrst maður þarf ekki að hanga í skólanum allar helgar í vetur. Svo eru tónleikar um næstu helgi. Franz Ferdinand, og við Hrafnhildur og Gísli Tjörvi ætlum ekki að láta okkur vanta.
Yrsa Líf frænka átti svo afmæli um daginn. Til hamingju með það Yrsa Líf. Pakkinn þinn er alveg að fara í póst :o| Það er alltaf a.m.k. viku lagg á afmælispakkasendingum frá okkur. Þið vitið öll hvað lagg er, er það ekki? | 2 ófeimnir |
| 15.08.2005 @ 10:13 | bjorninn | Kominn í vinnuna, Hrafnhildur í sína vinnu, Sunna í leikskólann, Gísli Tjörvi byrjar í sínum skóla á næsta mánudag. | 5 ófeimnir |
| 02.08.2005 @ 22:22 | bjorninn | Smá nasaþefur. 30 meg, eru ekki allir með adsl? | 3 ófeimnir |
| 02.08.2005 @ 21:54 | bjorninn | Komum heim í gær eftir frábæra ferð. Enduðum á mögnuðum U2 tónleikum á sunnudagskvöld. Þetta byrjaði reyndar ekkert voða vel. Ætluðum að reyna að komast á gólfið fremst við sviðið, en komumst að því við illan leik að miðarnir okkar leyfðu það ekki. En sætin okkar voru fyrsta flokks, fremst í efri stúku, fyrir miðjum velli. Urðum svo hæstánægð með sætin okkar þegar byrjaði að rigna, og við erum ekki að tala um neinn úða. Allt liðið á gólfinu orðið rennandi blautt á 10 sekúndum, en við höfðum það bara nokkuð gott undir skyggninu okkar. Fyrra upphitunarbandið, The Soundtrack of Our Lives, var frekar slappt. Seinna upphitunarbandið Razorlight var miklu betra, og bara helvíti gott. U2 mættu síðan á sviðið upp úr klukkan 22, og spiluðu í rúma 2 tíma. Þeir voru alveg magnaðir, og stappfullur Parken var vel með á nótunum, þó svo helmingurinn væri búinn að standa rennblautur í rigningunni í nokkra klukkutíma. Komumst svo að því eftir tónleikana að almenningssamgöngur í Kaupmannahöfn eru ekki upp á marga fiska klukkan 1 á aðfaranótt mánudags. Vorum góða stund að koma okkur heim með blöndu af labbi og næturstrætóum sem voru ekkert á hverju strái. Hvergi leigubíl að fá, og Metró lokað. Hittum 2 bekkjarsystur úr Hafnarskóla og Heppuskóla, Hillu og Jöggu, í einu strætóskýlinu, þar sem þær voru í sömu hremmingum og við, og ca. 50.000 aðrir. Komumst á endanum upp á hótel og sofnuðum sæl og glöð. Sváfum vel og lengi, og pöntuðum morgunmatinn upp á herbergi, og drifum okkur á Kastrup.
Erum svo bara búin að hafa það rólegt í dag. Kíktum í heimsókn til Eiðs Tjörva sem á 11 ára afmæli í dag. Fengum þar tónleika, því kappinn fékk bassa í afmælisgjöf, og Gísli Tjörvi varð auðvitað að fara með gítarinn sinn með, svo þeir gætu haldið fyrstu hljómsveitaræfinguna. Erum svo að velta fyrir okkur hvað við eigum að gera við restina af fríinu. Kíkjum kannski í smá útilegu, eða austur á Hornafjörð. Kemur allt í ljós. | 1 ófeiminn |
| 31.07.2005 @ 07:20 | bjorninn | U2 í aften. | Verið ófeimin! |
| 30.07.2005 @ 16:39 | bjorninn | Morgunmatur upp á hótelherbergi, nýbakað brauð, rundstykker, brie, alls konar sultetøj, vinerbrød, jarðarber, vínber, og svo framvegis og svo framvegis. Röltum okkur út á lestarstöð, fengum yfir okkur 2 laugardalslaugar á leiðinni, nýju regnhlífarnar stóðu sig með prýði. Stytt upp þegar við stigum út úr lestinni í Christianshavn. Hittum Heiðu og Pésa. Skelltum okkur í Amalienborg, sáum vaktaskipti hjá lífvörðum drottningar. Eftir það var Frukost í Nyhavn. Smørrebröd með reyktum ál, og ommeletta. Rölt um bæinn, gerðumst menningarleg og fórum á safn, klám/erótískt safn að vísu, en safn engu að síður. Upp á hótel og hent af sér innkaupapokum dagsins. Skrýtið hvernig þessir innkaupapokar fyllast alltaf hjá kvenpeningnum þó svo þær versli ekki neitt. Erum nú á leiðinni í Tivoli þar sem á að borða eitthvað gott, og slátra nokkrum Tuborg, og prófa nýja rússíbanann. Hver veit hvað gerist svo? | Verið ófeimin! |
| 30.07.2005 @ 08:38 | bjorninn | Á ekki alltaf að vera sól og blíða í útlöndum? Ha? | 2 ófeimnir |
| 29.07.2005 @ 21:50 | bjorninn | Héðan frá kóngsins Køben er allt gott að frétta. Lentum í gær um 6 leytið, hoppuðum beint upp í leigubíl hjá ungum dreng sem var mikið í mun að sýna okkur hvað Benzinn hans kæmist hratt, og vorum komin upp á hótel fyrir klukkan 7. Hentum töskunum upp á herbergi, fundum Metró stöðina sem er hér rétt fyrir utan og brunuðum niður í bæ. Fundum ekta danskan veitingastað, Skindbuksen, sem hefur verið til síðan sautján hundruð og eitthvað, og pöntuðum Flæskesteg og Bøf a la Skindbuksen. Meðal fíll hefði ekki skammast sín fyrir að geta ekki klárað skammtinn sinn. Röltum um miðbæinn og skoðuðum mannlífið. Nokkrir Tuborg lágu í valnum. Í morgun var Strøget mælt, bæði fram og til baka, nokkrar danskar krónur lágu í valnum. Lentum í hellt úr fötu og þrumuveðri, fundum regnhlífar á útsölu á 50 kroner, héngum nokkuð þurr eftir það. Eftir að stútfullum innkaupapokum úr H&M hafði verið skutlað upp á hótel, lá leiðin í Kristjaníu, röltum fyrst um, sátum svo þar í bláum skugga á nokkuð heimilislegum bar og fengum kennslustund í að vefja. Hættum okkur svo inn á veitingahúsið Spiseloppen í Kristjaníu. Þangað hefði maður líklega aldrei látið draga sig dauðan nema að vera búinn að heyra að þarna leyndist eitt besta veitingahús í Køben. Húsið lítur út eins og versta rónabæli að utan, og ekki heiglum hent að finna innganginn. En eftir mikla leit og að drekka (tuborg) í sig kjark, var haldið inn um innganginn, og þar leyndist dásamlegur staður. Einn fékk sér lamb, og hinn krónhjört, og maður minn var þetta gott. Hittum Heiðu og Pésa eftir matinn, röltum meira um Kristjaníu, síðan Strikið og svo heim á hótel, þar sem ég sit nú og sörfa netið án þess að borga krónu...muhahaha. Þetta er björn görn sem talar frá Kaupmannahöfn. | 1 ófeiminn |
| 28.07.2005 @ 09:17 | bjorninn | København, her kommer vi! | Verið ófeimin! |
| 24.07.2005 @ 08:47 | bjorninn | Vorum óhemju dugleg í gær. Fengum okkur gönguferð upp að Staðarborg á Vatnsleysuströnd í góða veðrinu. Á leiðinni rákumst við reglulega á þroskuð krækiber sem Sunnu Kristínu fannst gott að stinga í munninn þegar Gísli Tjörvi var svo góður að rétta henni þau þar sem hún sat í mestu makindum á háhesti. Rákumst líka á bláber, en þau voru ennþá fullgræn. Sáum líka fullt af fuglum með ungana sína, lóur, kríur og rjúpu. Í borginni settumst við niður, borðuðum nesti og nutum blíðunnar í botn. Snerum svo heim á leið þar sem nautalundin voru smurð með Dijon, grilluð, og borin fram með kílói af glænýjum Hornafjarðarkartöflum og rjómasveppasósu.
Núna sýnist mér sólin vera að reyna að brjótast fram úr skýjunum. Örugglega góður dagur í vændum. | 1 ófeiminn |
| 23.07.2005 @ 08:35 | bjorninn | Engar fréttir eru góðar fréttir, ekki satt? Allir hressir hérna megin. Maður verður að reyna að vera hress í allri þessari blíðu. Er líka að reyna að vera í sumarfríi, gengur eitthvað erfiðlega. Byrjaði að reyna núna á mánudaginn. Ætla að halda áfram að reyna næstu þrjár vikurnar a.m.k. Þetta gengur vonandi betur í næstu viku, þýðir ekkert að gefast upp. Gísli Tjörvi er búinn að vera á golfnámskeiði í vikunni, og er voða ánægður með það. Búinn að fá nokkrar golfkylfur og allt. Sunna Kristín er eldhress að vanda. Ánægð með að vera í sumarfríi, kúra á morgnana, fara svo í sund, hjólaferð eða eitthvað annað skemmtilegt. Farið að styttast allsvakalega í Jútú og Tuborg í köben. Skv. áreiðanlegum heimildum ætlar ríflega helmingur þjóðarinnar á tónleikana. Ágætis mæting það. Ætla að fara og finna einhverja gómsæta uppskrift að útigrilluðum nautalundum. Það var 50% afsláttur af nautalundum í Nóatúni í gær, svo nú verður ekkert annað á borðum í sumarfríinu. | 1 ófeiminn |
| 12.07.2005 @ 11:09 | bjorninn | Við, Björk og fleiri selebritís vorum á Antony tónleikum í gærkvöldi. Magnaðir tónleikar, magnaður karl, mögnuð rödd, mögnuð hárkolla, magnaður kjóll. | 5 ófeimnir |
| 11.07.2005 @ 16:01 | bjorninn | Jamm Heiða, við erum komin heim AFTUR. Vorum semsagt fyrir austan um helgina. Hrafnhildur er komin í sumarfrí og ég kemst vonandi í frí eftir þessa viku. Ætlum að skella okkur á tónleika á Nösu með Antony and The Johnsons. Það verður magnað. Hafrún ætlar að passa. Nauðsynlegt að eiga svona systur í Reykjavík sem maður getur níðst aðeins á. | 5 ófeimnir |
| 02.07.2005 @ 00:03 | bjorninn | Erum í sveitasælunni. Komum hingað um þrjú leytið. Lögðum ekki í grillaðar pulsur í grenjandi vatnsveðri á hverfahátíð, svo við beiluðum á því. Fengum í staðinn grillað lambalæri a'la Tjörvi og rauðvín í Nesjunum. Held það hafi verið ágætis bítti. Hann hékk allavegana þurr í eldhúsinu á Hraunhólnum. Kíktum svo á bryggjuna þegar stytti upp eftir kvöldmatinn. Þar var líf og fjör. Svo er það golf með bæjarstjóranum klukkan 9 í fyrramálið. | 2 ófeimnir |
| 30.06.2005 @ 12:06 | bjorninn | Ætlum að bruna austur á morgun og sækja prinsinn. Stoppum náttúrulega yfir helgina og fáum okkur loku eða tvær á Hleininni. Ég er búinn að koma vaktinni yfir á annan og grenja út frí á morgun, þannig að við ætlum að leggja snemma af stað. Sunna Kristín er líka alltaf í mestu stuði á morgnana svo það er best að reyna að ljúka ferðalaginu af sem fyrst. Komum svo aftur í bæinn á sunnudaginn. | Verið ófeimin! |
| 29.06.2005 @ 19:50 | bjorninn | Sullaði inn Ítalíumyndunum. Fyrstu myndirnar teknar á nýju myndavélina. | 2 ófeimnir |
| 28.06.2005 @ 11:30 | bjorninn | Allt gott hér. Gísli Tjörvi skellti sér austur í sveitasæluna einhvern tímann um daginn. Er búinn að vefja ömmum og öfum um fingur sér og hafa það gott skilst mér. Ætli við skjótumst ekki og sækjum hann einhvern tímann næstu daga. Þó að hann vildi helst vera þarna í allt sumar, þá eru foreldrarnir ekki alveg jafn hrifnir af því. Einhver óþverra kvefpest búin að vera að stríða okkur síðustu daga. Skil ekki svoleiðis vitleysu um hásumar. Svo er bara farið að styttast í sumarfrí hjá okkur. Stefnan er að þeysa eitthvað um landið á nýja bílnum. Ekki alveg búið að ákveða hvert, en ætli það verði ekki reynt að halda sig þar sem verður minnst rigning. Og svo er það auðvitað stefnumót við Tuborg og U2 í Köben um verslunarmannahelgina. En djöfull var annars hressandi að sjá Eirík Jónsson drulla upp á bak í Kastljósinu og Íslandi í Dag í gær. Gott á hann, búinn að vera drullandi yfir aðra alltof lengi. | 2 ófeimnir |
| 20.06.2005 @ 22:54 | bjorninn | Nú þarf maður að fara að safna fyrir hlutabréfum. | 2 ófeimnir |
| 15.06.2005 @ 15:15 | bjorninn | Jæjajæja. Ýmislegt hefur gerst síðan síðast. Ætla nú ekki að telja það upp hér, en það helsta er nú kannski útskriftin sem var á laugardaginn síðasta. Björninn semsagt orðinn baddsjelor of sæjens. Útskriftin var löng og hefðbundin, en Guffa var samt óvenju hófsöm í ræðuhöldunum, táraðist bara, fór ekkert að gráta. Héldum svo smá teiti eftir herlegheitin. Það var ósköp rólegt og gott, og hvorki melónur né aðrir ávextir fengu að kenna á því. Takk allir fyrir mig. | 3 ófeimnir |
| 07.06.2005 @ 23:11 | bjorninn | Dugnaðurinn að drepa mann. Fleiri myndir komnar inn. | 3 ófeimnir |
| 07.06.2005 @ 11:22 | bjorninn | Gísli Tjörvi snillingur fékk vitnisburðinn sinn í dag, og hann var auðvitað stórglæsilegur eins og venjulega. Svo er hann líka kominn með nýja síðu. | Verið ófeimin! |
| 06.06.2005 @ 21:43 | bjorninn | Vúhú! Var að setja inn páskamyndirnar. Með sama áframhaldi fara Ítalíumyndirnar inn um jólin. | 1 ófeiminn |
| 06.06.2005 @ 14:12 | bjorninn | Þá erum við Hrafnhildur komin heim (reyndar löngu komin, maður er bara búinn að vera svo latur eftir fríið að maður hefur ekki nennt að kveikja á tölvunni) eftir vikufrí á Ítalíu. Þetta var helvíti góð ferð alveg, og slappað vel af. Veðrið var eins og það gerist best, sólskin og 25-30 stiga hiti. Lágum aðeins á ströndinni, fórum til Feneyja, keyrðum aðeins um, heimsóttum vínbónda, borðuðum góðan ítalskan mat, drukkum nokkra lítra af rauðvíni og hvítvíni, og nokkra af bjór. Svo keyptum við líka kex handa Sunnu Kristínu, en það var það sem hana langaði mest í þegar við spurðum hvað við ættum að kaupa handa henni í útlöndum. Set kannski fljótlega inn myndir úr ferðinni, og nokkrar eldri myndir sem ég á líka eftir að setja inn.
| 1 ófeiminn |
| 24.05.2005 @ 20:03 | bjorninn | Hversu miklir hálfvitar geta menn verið? Hélt þetta væri maðurinn sem vill leyfa síma- og nethleranir án dómsúrskurðar. Hélt þetta væri líka maðurinn sem vill helst vopnavæða lögregluna. Sami maðurinn og vill stofna íslenskan her. Sé ekki alveg hvað þetta á sameiginlegt með frelsi. | 3 ófeimnir |
| 22.05.2005 @ 21:40 | bjorninn | Suddafín helgi að klárast. Greinilegt að maður þarf ekkert að láta sér leiðast þó svo maður hafi engar skólabækur að lesa. Fórum í grillveislu með vinnufélögum mínum á föstudagskvöldið. Það var mikið etið, mátulega drukkið og mest hlegið, enda er ég svo heppinn að vinna með stórskemmtilegu fólki. Gísli Tjörvi og Sunna Kristín fengu gistingu hjá Kollu og Palla á meðan. Þau fóru svo á "vor"-hátíð í skólanum hjá Eiði og Birki með þeim í gærmorgun, í hita við frostmark og snjófjúki. Frændurnir fóru svo eftir hátíðina í bíó að sjá Loga Geimgengil, Leu Prinsessu (eða hvað þetta lið allt heitir) og félaga í Star Wars. Kolla og co og Heiða og Pési komu svo og borðuðu hjá okkur í gær og horfðu með okkur á júróvisjón. Studdum Nojarana með ráð og dáð, en það var víst ekki nóg, því gríska pían tók þetta. Það var nú samt gott að fölsku Lettarnir unnu þetta ekki eins og stefndi í á tímabili. Í dag fórum við svo í tvöfalda afmælisveislu til Karenar Lindar og Róberts Más, fengum alls konar tertur og fínerí. Svo er stutt vinnuvika framundan, mánudagur, þriðjudagur og miðvikudagur. Svo er víst komið vikufrí? | 1 ófeiminn |
| 20.05.2005 @ 16:33 | bjorninn | Þá er endanlega orðið ljóst að það er útskrift í júní. Náðum semsagt lokaverkefninu, og þá er þetta bara allt búið.
Grillveisla í vinnunni í kvöld, júróvisjón annað kvöld, og ég þarf ekkert að læra um helgina. | 4 ófeimnir |
| 19.05.2005 @ 22:56 | bjorninn | Hvað ætli margir sitji grenjandi heima yfir að þurfa að borga fyrir 52 tommu plasma sjónvörpin sem þeir keyptu í BT? | 4 ófeimnir |
| 09.05.2005 @ 22:35 | bjorninn | Hæ. Þetta er búinn að vera stórgóður dagur hérna megin. Það var lokaskoðun hjá okkur í lokaverkefninu, og hún gekk bara rosa vel. Þannig að nú eru það bara skil á föstudaginn sem við þurfum sáralítið að gera fyrir, og svo kynning á þriðjudaginn næsta. Fékk líka einkunn úr Stærðfræðilegum reikniritum í dag, og hún var góð. Þannig að það lítur út fyrir björn görn verði orðinn fokkins tölvunarfræðingur eftir mánuð eða svo. Það besta við daginn er samt það að hann Gísli Tjörvi snillingur á 11 ára afmæli í dag! | 4 ófeimnir |
| 02.05.2005 @ 13:44 | bjorninn | Hvaða síða haldið þið að sé eina síðan sem komi upp ef maður slær inn "árshátíð drifkúlur" á Google? | 4 ófeimnir |
| 29.04.2005 @ 19:47 | bjorninn | Til hamingju með daginn pabbi minn! | Verið ófeimin! |
| 26.04.2005 @ 10:52 | bjorninn | Hrafnhildur og krakkarnir ætla að bruna austur á Hornafjörð í dag. Verða þar fram yfir helgi í góðu yfirlæti ef ég þekki ömmur og afa rétt. Ætli ég noti ekki tímann og reyni að klára þetta fjandans lokaverkefni. Skríð undir skrifborðið mitt og fæ mér kríu ef ég verð þreyttur, eins og Gunnar Smári. Kem mér í svefn með því að snúa vísifingrinum í hringi í hárinu á mér og segja eitthvað gáfulegt. | Verið ófeimin! |
| 25.04.2005 @ 14:20 | bjorninn | Hafrún litla systir má fara í ríkið í dag. Til hamingju með daginn litla mín! | 5 ófeimnir |
| 14.04.2005 @ 22:09 | bjorninn | Við erum ekki að fara að byggja í Lambaseli. Það hafa örugglega verið einhver brögði í tafli. | 10 ófeimnir |
| 08.04.2005 @ 22:25 | bjorninn | Hrafnhildur er að vinna, krakkarnir farnir að sofa. Sit heima og hlusta á nýja diskinn sem ég keypti mér um daginn. Eða öllu heldur nýju diskana, því þetta eru 3 pakkaðir diskar af gargandi snilld. Fyrsti diskurinn er magnaður, annar diskurinn enn magnaðri, og sá þriðji, ja hann er ... já ... enn magnaðri.
Er að hugsa um að reyna að komast í djobb á Ríkisútvarpinu. Segja svo upp eftir á fyrsta degi eftir að hafa farið í viðtal og verið staðinn að því að ljúga blákalt að allri þjóðinni, og heimta svo starfslokasamning upp á nokkrar milljónir. Alltaf jafn hressandi að sjá peningana manns nýtta vel, og í þörf málefni.
Held ég sé búinn með allt í skólanum, nema lokaverkefnið. Skilaði síðasta verkefninu í Stærðfræðilegum Reikniritum um daginn. Burrows Wheeler, Move To Front, Run Length Enconding og Huffman þjöppun á Calgary Corpus safninu, sem allir þekkja. Ef það fer ekki mjög illa er þetta bara búið, fyrir utan lokaverkefnið, en það er nú bara pís of keik. | 1 ófeiminn |
| 05.04.2005 @ 21:32 | bjorninn | Við skulum vona að Reyni Traustasyni detti ekki í hug að skrifa bók um morð. | 3 ófeimnir |
| 03.04.2005 @ 21:08 | bjorninn | Hvað er betra en að eyða sunnudagskvöldi í að þjappa Calgary Corpus safninu með Burrows Wheeler? | 3 ófeimnir |
| 15.03.2005 @ 13:09 | bjorninn | Djöfull er kalt. Var ekki einhver að tala um gróðurhúsaáhrif? Væri ágætt að fá svolítið af þeim hingað. Fyrir utan kuldann er allt þokkalegt að frétta. Allir að drepast úr einhverju kvefógeði samt, en við hljótum að lifa það af. Náði prófinu mínu sem ég var í um daginn, þannig að það lýtur út fyrir að maður taki ekki fleiri próf í bráð. Ja nema masókistinn komi upp í manni og maður fari bara í meiri skóla næsta vetur. Nei andskotinn, held ekki.
Þarf að fara á Selfoss á morgun. Þarf samt fyrst að kaupa spoiler kit og bassabox í bílinn og fara í strípur. | 6 ófeimnir |
| 08.03.2005 @ 23:26 | bjorninn | Myndir úr afmælinu hennar Hrafnhildar. | 4 ófeimnir |
| 08.03.2005 @ 10:29 | bjorninn | Hrafnhildur á afmæli í dag! | 2 ófeimnir |
| 07.03.2005 @ 15:44 | bjorninn | Það var ekkert leiðinlegt um helgina. Hrafnhildur hélt upp á afmælið sitt á laugardaginn, og það var magnað stuð. Enda ekki við öðru að búast þegar menn eiga svona skemmtilega vini. Kokkurinn (Þorgrímur Tjörvi) ferðaðist 450 kílómetra til að sjá um matinn fyrir okkur, sem var gargandi snilld. Hrafnhildur fékk fullt af fínum pökkum, og aðalpakkinn var ferð á U2 í Köben 31. júlí. Hún fékk 2 miða, þannig að kannski fæ ég að fljóta með ef ég verð stilltur þangað til. Myndir koma fljótlega.
Óskar og Sylvía eignuðust svo litla dóttur á föstudaginn. Hlökkum mikið til að sjá hana. Til hamingju! | 3 ófeimnir |
| 03.03.2005 @ 22:33 | bjorninn | Vinna, skóli, éta, sofa. Fátt annað gert. En um helgina verður nú smá tilbreyting. Séð og Heyrt hjúkkan ætlar að halda upp á þrítugsafmælið sitt á laugardaginn. Bjór, rauðvín og sitthvað fleira í boði ef þér er boðið. Held að mér sé boðið. Er allavega búinn að kaupa pakka. | 5 ófeimnir |
| 26.02.2005 @ 22:40 | bjorninn | Jámms var í prófi í morgun. Held það hafi bara gengið þokkalega. Síðasta prófið mitt í BS-inum, það er að segja ef maður hefur ekki fallið. Skál fyrir því!!! | 4 ófeimnir |
| 25.02.2005 @ 21:05 | bjorninn | Er að læra fyrir próf í Reikniritum, sem er gríðarhressandi. Prófið er í fyrramálið, sem er enn meira hressandi. Vakna fyrir allar aldir á laugardegi til að fara í próf, hvað er hægt að biðja um meira? | 1 ófeiminn |
| 21.02.2005 @ 11:10 | bjorninn | Siggi var ekki lengi að svara getrauninni minni. Enda var hún allt of létt. Var sett inn í tilefni að keiluferðinni á föstudaginn. En Jesus sagði þetta einmitt í keilusalnum. Við skulum ekkert tala um úrslitin í keilunni, enda er keila sport fyrir eymingja.
Vaknaði svo eldsnemma á laugardagsmorgun til að vinna í lokaverkefninu. Byrjuðum á prófunarlýsingum fyrir kerfið. Ekki voru afköstin nú neitt ógurleg, enda farið að renna af manni á þessum tímapunkti. Fór svo og hjálpaði Skara og Sylvíu að flytja í nýju íbúðina, sem er assgoti fín. Enduðum svo laugardaginn á því að borða með Írisi og Nökkva, Hafrúnu og Björgvini, og Ara, bróðir Nökkva. Gærdeginum var svo bara eytt í leti, og að skipuleggja partíið eftir 2 vikur. Meira um það seinna. | 4 ófeimnir |
| 18.02.2005 @ 14:10 | bjorninn | Bissí helgi framundan. Keila og öskrandi fyllerí í kvöld. Lokaverkefni í fyrramálið, hjálpa Skara og Sylvíu að flytja eftir hádegið, matur með Írisi og co um kvöldið. Svo kannski bara lokaverkefni og jafnvel smá afslöppun á sunnudaginn. Ja, maður hefur alla vega ekki tíma til að láta sér leiðast.
Sýnist að föstudagshrunið sé að hefjast hjá Reiknistofunni. Best að hækka bara í Hives og taka pusið í hnakkann. | 1 ófeiminn |
| 16.02.2005 @ 22:35 | bjorninn | Verkefnisskoðunin á mánudaginn gekk bara vel. Öllum leist voða vel á þetta hjá okkur. Þar að auki lítur út fyrir að þetta Toyota mál sleppi fyrir horn allt saman. Þannig að það er bara allt í gúddí.
Er að fara í keilu og bjór með vinnunni á föstudagskvöldið. Rúlla þessum vesalingum upp, ekki spurning. Verð á vaktinni þannig að ég get ekki drukkið jafn mikið og hinir. Íris og co. eru líka að koma í bæinn um helgina, og aldrei að vita nema að þau geti komið því fyrir í þéttskipaðri dagskrá að hitta okkur aðeins. Stefnt á að reyna að borða með þeim á laugardagskvöldið.
| 14.02.2005 @ 09:46 | bjorninn | Lítið merkilegt gert um helgina. Hrafnhildur var að vinna bæði á laugardag og í gær. Ég reyndi eitthvað að vinna í lokaverkefninu, sem gengur annars bara nokkuð vel. Það verður svokölluð fyrsta verkefnisskoðun eftir hádegið. Þá mæta verkefniskennarinn, prófdómarinn og einhverjir fleiri spekingar, og meta það sem við erum búin að gera hingað til, hvort það sé eitthvað crap, eða hvort sé vert að halda áfram með þetta á sömu braut. Tökum það með vinstri. Svo á bara eftir að koma í ljós hvort Toyota droppa þessu verkefni eftir allt havaríið þar. Skýrist vonandi eitthvað fljótlega. | 1 ófeiminn |
| 08.02.2005 @ 09:31 | bjorninn | Gaman að sjá að atvinnulífið á Vestfjörðum virðist vera að taka einhvern kipp. Þetta er drottningin sem kemur til með að baða sig í heita pottinum á Laugarhóli. Haffi? | Verið ófeimin! |
| 08.02.2005 @ 09:19 | bjorninn | Fokkins djísús kræst. Flestir aðalmennirnir hjá Toyota búnir að segja upp. Þar á meðal þeir sem voru með lokaverkefnið okkar á sinni könnu. En við erum að gera verkefni fyrir Point, sem er líka svona á ská fyrir Toyota. Gat þetta lið ekki valið sér annan tíma til að vera með einhver læti? Jæja, vonum að þetta reddist. Annars er það bara útskrift 2006, það er líka fínt ár.
Að öðru leyti er allt í sóma. Mamma og pabbi, voru í bænum um helgina, og komu til okkar í mat á laugardagskvöldið ásamt Hafrúnu og Björgvini. Ekki slæmt það. | 1 ófeiminn |
| 01.02.2005 @ 22:24 | bjorninn | Alltaf hressandi að vinna nallana. | Verið ófeimin! |
| 27.01.2005 @ 23:24 | bjorninn | Sissa amma á afmæli í dag. Til hamingju með daginn amma mín. | 1 ófeiminn |
| 26.01.2005 @ 21:37 | bjorninn | Vúhú, setti jólamyndirnar á netið gjössovel. Ekki að spyrja að framtaksseminni. Til hamingju með daginn Birkir Tjörvi. | 2 ófeimnir |
| 20.01.2005 @ 13:05 | bjorninn | Allt þokkalegt hér. Engar fréttir eru góðar fréttir sagði einhver. Annars er svo sem nóg af fréttum, hef bara ekki nennt að setja neitt hér inn. Kollasæta útskrifaðist sem fokkins tölvunarfræðingur um síðustu helgi. Borðuðum hjá henni sönju og drukkum rauðvín með af því tilefni. Fórum svo eftir það í leikhúsið að sjá Edith Piaf. Er ekki frá því að Brynhildur sé Piaf sjálf, endurfædd, bara soldið sætari. Fórum svo eftir sýningu á pöbbinn með Kollu og Palla, og Heiðu og Pétri og stútuðum nokkrum öllurum.
Gísli Tjörvi fékk vitnisburðinn sinn á þriðjudaginn, og skemmst frá því að segja að snillingurinn var auðvitað með rosa fínar einkunnir, eins og hann á kyn til. Lokaverkefnið komið á fullt hjá mér, þannig að maður þarf ekkert að láta sér leiðast næstu mánuðina.
Einhver lofaði mér að það yrði matarklúbbur um helgina. Eins gott að það verði staðið við það, annars geng ég berserksgang um Árbæinn. | 7 ófeimnir |
| 12.01.2005 @ 14:21 | bjorninn | Hvað næst? Þetta styðjum við auðvitað, enda ekki hægt að hætta við, ekki frekar en Dabbi getur hætt við að fara í uppskurðinn sem hann fór í í fyrra. | 5 ófeimnir |
| 08.01.2005 @ 23:13 | bjorninn | Gleðilegt ár! Þeir segja að það sé liðin vika af 2005, veit ekki hvort maður á að trúa þessu. | Verið ófeimin! |
| 31.12.2004 @ 00:02 | bjorninn | Áramót á hraðri siglingu til okkar. Og þau koma víst nokkrum þúsundustu úr sekúndu fyrr eftir jarðskjálftann ógurlega. Maður verður að fjárfesta í nýju úri. Þetta var rosalegur andskoti. Og ríkisstjórnin örláta ætlar að spandera 5 milljónum, já hvorki meira né minna en 5 milljónum, í að hjálpa liðinu, aldeilis að örlætið er að drepa þessa menn. Þetta er 1/3 af því sem klósettið hennar Sollu Pé kostaði á sínum tíma. Við hin verðum þá bara að taka til okkar ráða. Allir saman nú, hringja í 907 2020, ykkur munar hvort eð er ekkert um þúsund kall eftir allt jólasukkið, þetta týnist við hliðina á Visa reikningnum sem kemur æðandi inn um lúguna fyrr en síðar.
Var að enda við að útbúa stöffið í kalkúninn fyrir morgundaginn. Bjó líka til dýrindis trönuberjasultu. Átti að vera smá Grand Marnier í sultunni, og ég var svo óheppinn að hella óvart tvöföldum skammti í mælikönnuna. Þá voru góð ráð dýr, svo maður fórnaði sér fyrir málstaðinn og skellti þessu niður, ekki fer maður að hella Grandinu í vaskinn, og ómögulegt að koma þessu aftur niðrum þröngan flöskustútinn. Það verður semsagt Kalkúnn í áramótamatinn, fylltur með svínahakki, beikoni, skinku, brauði, púrtvíni, hvítvíni, sellerí, lauk og einhverju fleiru. Með skepnunni verða bornar fram tvenns konar kartöflur, steiktar sætar kryddaðar með timian, og gömlu góðu sykurbrúnuðu, sýrópsgulrætur, sykurbrúnaðar rófur, waldorf salat, og svo auðvitað Grand trönuberjasulta. Eftir átið, skaupið og allt það verður svo vaðið í Hauganesbardaga ásamt öllu hinu. Vonandi að maður sleppi lifandi frá þessu. | 3 ófeimnir |
| 22.12.2004 @ 23:32 | bjorninn | Stefnir allt í að jólin komi á settum tíma eftir allt saman. Fór áðan í Bónus að kaupa ora rauðkál og grænar baunir, og allt annað sem við á að éta. Þar blasti við fögur sjón, enginn annar en Jóhannes sjálfur karlinn, pungsveittur að raða í hillur sinna öðrum skítadjobbum. Jóhannes er maður að mínu skapi. Sé ekki Einar Ben og Kristinn Björns fyrir mér að dæla bensíni og skipta um þurrkublöð.
Stysti dagur ársins að baki, svo framundan er bara sumar og sól. Það er að segja eftir jólin og páskahretið, en alltaf eitthvað gott við það þegar daginn er farið að lengja aftur. Lifnar aðeins yfir sálartetrinu. Eða kannski er það bara tuborg jólabjórinn sem ég er að drekka sem hefur þessi áhrif.
Náði öllum prófunum mínum þessa önnina, þannig að nú er bara eftir einn kúrs og lokaverkefnið. Ekki nema eitt fokkins próf eftir. Já, og það er búið að samþykkja lokaverkefnistillöguna okkar, enda ekki við öðru að búast, þvílíkir fokkins snillingar sem við erum. | 5 ófeimnir |
| 16.12.2004 @ 10:44 | bjorninn | Enn eitt prófið hefur verið massað af mulningsvél bjarnarins. Þá er maður bara kominn í jólafrí, kannski maður splæsi í kippu af julebryg í tilefni dagsins. | 6 ófeimnir |
| 15.12.2004 @ 09:18 | bjorninn | Allt að verða vitlaust. Má ekki vera að þessu, þarf að klára EMV fyrir hádegið, skilaverkefnið í vefþjónustum fyrir kvöldið, fara á jólahlaðborð í kvöld, próf í fyrramálið. Eins gott að kaffið er sterkt. Er að undirbúa málssókn á hendur OgVoddafokk fyrir að eyðileggja drauminn minn um 99.999% uppitíma á árinu, ætla að setja vitleysinga í málið, Ragnar Aðalsteinsson er second choice ef vitleysingi er of bissí. Fórum á Hornafjörð um síðustu helgi, eins og sum ykkar hafa eflaust orðið vör við. Þar lagðist allt liðið í gubbupest og volæði, nema undirritaður að sjálfsögðu, það bítur ekkert á björninn nema ef vera skyldi svartidauði, já og svo Sirrý á skjá einum. | 4 ófeimnir |
| 13.12.2004 @ 20:01 | bjorninn | Björninn er lifnaður við, ogvodafone er drasl | 6 ófeimnir |
| 30.11.2004 @ 17:05 | bjorninn | Við Sunna Kristín erum saman heima í dag. Hún er búin að vera veik, eiginlega samfellt alveg frá því fyrir afmælið sitt. Endaði svo með að hún fékk lungnabólgu ofan í allt saman. Fór í röntgenmyndatöku til Örnu vinkonu sinnar, og var svo dugleg að hún fékk verðlaun og allt. En hún er nú alveg að verða búin að jafna sig núna. Ætlar kannski að kíkja aðeins á leikskólann á morgun. Er orðin hundleið á að hanga hérna heima, og langar mikið að komast aðeins út.
Allt að gerast í skólanum hjá mér. Búinn að ná einu prófi, annað próf á morgun, og svo eitt í viðbót um miðjan des. Er svo byrjaður í 3 vikna námskeiði með haug af verkefnavinnu, og er líklega búinn að fá lokaverkefni fyrir vorönnina. Það á bara eftir að skila inn verkefnistillögunni og fá hana samþykkta sem verður pís of keik.
Ætlum jafnvel að reyna að kíkja aðeins í heimsókn á Hornafjörð núna í desember. Stefnt að því að fara kringum 10. og vera yfir helgina. Lítur ekki út fyrir að við komumst neitt um jólin. Nú þarf bara að koma Grænu Þrumunni II í ástand til að keyra austur. Greyið er með endurskoðunarmiða frá því...ja allavega frá því fyrir löngu.
Já, og áfram allir afturhaldskommatittir! Ef það að vera afturhaldskommatittur er að vilja ekki leggja nafn sitt við þetta, og þetta, þá er ég stoltur af því að vera afturhaldskommatittur. Litli sjálfhverfi hrokagikkur. | 4 ófeimnir |
| 23.11.2004 @ 20:06 | bjorninn | Til hamingju með daginn Tjörvi! | 1 ófeiminn |
| 20.11.2004 @ 15:45 | bjorninn | Var að setja inn myndir úr afmælinu hennar Sunnu Kristínar. | 3 ófeimnir |
| 19.11.2004 @ 23:47 | bjorninn | Af hverju kemur þetta manni ekkert á óvart? | Verið ófeimin! |
| 19.11.2004 @ 23:18 | bjorninn | Var að bæta inn tveimur nýjum albúmum á myndasíðuna. Myndir frá því í október og svo frá sumarbústaðaferð í Akurgerði um mánaðarmótin. Myndir úr afmælinu hennar Sunnu Kristínar eru svo alveg að koma líka, og kannski nokkrar í viðbót, jafnvel bara á morgun. Maður var tilneyddur að setja inn myndir, bæði minniskortin orðin full, og innra minnið í vélinni líka. Nauðsynlegt að fara að fjárfesta í stærra korti. Það tekur smá tíma að sortera og setja inn alla þessa súpu, er búinn að vera að því í allt kvöld.
Var í prófi í morgun, í stærðfræði. Held ég hafi nú náð kvikindinu, þrátt fyrir takmarkaðan metnað síðustu daga í lærdómnum. Segjum það allavega þar til annað kemur í ljós. Svo er annað próf 1. des og það síðasta á þessari önn er 16. des. Þá er nú orðið lítið eftir af þessu helvíti. Eitt fag og svo bara lokaverkefnið.
Ef ég þyrfti að borga fyrir internetáskriftina mína, gæti ég sagt henni upp, fír og flamme, med det samme. Prófaði áðan að kveikja á þráðlausa netkortinu í lappanum og fann a.m.k. tvö þráðlaus net hér í blokkinni sem ég get notað til að sörfa. Svo voru 1-2 í viðbót sem voru sýnileg, en þurfa smáræðis lagfæringar við svo ég geti notað þau líka. | Verið ófeimin! |
| 16.11.2004 @ 13:43 | bjorninn | Hún á afmæli í dag.
Hún á afmæli í dag.
Hún á afmæli hún Sunna Kristín.
Hún á afmæli í dag.
| 04.11.2004 @ 09:24 | bjorninn | AARRGGHH!! Nú þarf maður orðið að skrá sig til að geta lesið mbl.is. Hvaða djöfuls þvæla er nú það? Hvað næst? Þarf maður að skrá sig til að mega kjósa? Jæja, þá hættir maður bara að lesa þetta sorp, og heldur sig bara við baggalútinn, já og bjorninn.net, þar þarf maður ekki að skrá sig inn! | 3 ófeimnir |
| 03.11.2004 @ 09:43 | bjorninn | Jæja, til hamingju með kúrekann í Hvíta húsinu. Nú getum við farið að láta okkur hlakka til innrásarinnar í Íran, sem við styðjum að sjálfsögðu heils hugar. | 1 ófeiminn |
| 02.11.2004 @ 14:53 | bjorninn | Það var fínt í bústað um helgina, hann fær 8 birni af 10 mögulegum. Það hefði mátt planta nokkrum hríslum í kringum slotið og þá hefði þetta verið garanteruð tía, smá lúpína hefði meira að segja verið vel þegin þarna í auðninni. Veðrið var fínt, grillið virkaði, bjórnum var ekki stolið af pallinum (var bara keyptur ódýr tuborg í þetta sinn, maður tekur ekki sénsinn á að blæða í einhvern snobbjór fyrir bústaðaferðir orðið), hann var kaldur og potturinn heitur. Leið ekki yfir neinn að þessu sinni.
Ætla aldrei að kaupa bensín aftur af þessum djöflum sem stálu af mér 40.000.000.000. Nú verður bara verslað við Atlantsolíu, þó það kosti ferð suður í Hafnarfjörð. Kannski maður kaupi sér brúsa til að fylla og taka með ef maður skyldi taka rúnt austur á land, eða kaupa sér bara Prius, þá kemst maður víst fram og til baka á einum tanki. Gott að vera giftur dómsmálaráðherra, og vera aðalgaurinn í þessu plotti. Er þetta pakk gjörsamlega gjörsneytt allri sómatilfinningu? Kannski eitt gott sem kemur út úr þessu, Sollu P. verður væntanlega ekki flaggað í einhverjum áhrifastöðum innan stuttbuxnastrákaklúbbsins í bráð. Æi, hverjir eru svosem skárri en hún? Guðlaugur Þór? Sigurður Kári? Pétur Blöndal? Björn Bjarna? Þetta er einvalalið, og ekki skrýtið að þjóðin kjósi þetta yfir sig aftur og aftur. En hvað annað á svo sem að kjósa? Þórólfur Árna hinum megin, blásaklaus, og þykist ekki hafa grunað neitt. Svo díla menn um að ef Þórólfur verður látinn í friði, þá verður ekki ráðist á hina skúrkana sem eru annars staðar í flokki. Margt er líkt með kúk og skít, og það er sko ilmandi skítafýla af þessu pakki öllu saman. Vonandi verður Ástþór í framboði í næstu kosningum. Spurning að hætta að hugsa um að flytja til Miðbaugs Gíneu, og láta verða af því.
Kosningar í öðru bananalýðveldi í kvöld, ætla ekki að fylgjast með því, er viss um að Bu**sh** verður áfram í Hvíta húsinu, sama hvort hann verður kosinn til þess eða ekki. Lífið er tík, og svo deyr maður. | 3 ófeimnir |
| 28.10.2004 @ 22:41 | bjorninn | Jæja, best að fara að koma sér heim úr vinnunni. Verð í fríi á morgun og á mánudaginn, erum að fara í bústað einhvers staðar á Suðurlandi. Það verður farið í leiðangur í fyrramálið og keyptir bústaðabitar og bjór, og svo brunað af stað. Ef einhver þarf að ná í okkur um helgina verðum við í pottinum. Ætla að taka með mér hjólahjálminn til öryggis. | 6 ófeimnir |
| 26.10.2004 @ 23:08 | bjorninn | Maður verður að fara að kíkja aftur á McDonalds til að hitta þessa Katrínu. | 2 ófeimnir |
| 23.10.2004 @ 23:00 | bjorninn | Fórum í fínt partý í gær, til Örnu og Bogga. Húsbóndinn á því heimili orðinn þrítugur. Það kemur víst fyrir bestu menn, og er ekki svo slæmt er mér sagt. Þar var drukkið rauðvín, bjór og sangría (ekki besta sangría sem ég hef smakkað sagði einhver dóninn, en mér fannst hún fín), spjallað og hlegið mikið. Eldhúspartíið var á sínum stað, þar sem fundnar voru lausnir við flestum vandamálum veraldar. En kartöflumjölið vantaði á gólfið, það gerir sjálfsagt aldurinn. Ég tók dobíu af myndum, en er sagt að megnið af þeim séu ekki nethæfar þannig að þið fáið líklega aldrei að sjá þær. Ætlaði mér svo að reyna að læra eitthvað í dag, en það gekk erfiðlega, lítill friður fyrir leiðinlegum leigubílstjórum og ruddalegum gröfumönnum upp á Ártúnshöfða, en margir gröfumenn virðast telja sig eiga eitthvað sökótt við símastrengi. Fór svo í fótbolta með strákunum sem er alltaf gríðarhressandi í þynnkunni, sérstaklega þegar helmingurinn skrópar svo maður verður að hlaupa eins og titt...ur um víðan völl. Hrafnhildur og krakkarnir kíktu í heimsókn til Kollu og co á meðan ég svitnaði í boltanum. Skelltum okkur svo á stælarann í sveittan þynnkuborgara. | Verið ófeimin! |
| 22.10.2004 @ 14:09 | bjorninn | Borgþór Egilsson á afmæli í dag, og býður mér í partí í kvöld. | 4 ófeimnir |
| 14.10.2004 @ 12:02 | bjorninn | Mér finnst að allur heimurinn ætti að fá að kjósa í bandarísku forsetakosningunum. Það hefur örugglega töluvert meiri áhrif á Íraka til dæmis heldur en Bandaríkjamenn, hvaða kúkú það er sem fær að teljast valdamesti maður heims. Er ekki einhvern veginn í andskotanum hægt að koma Ástþóri í Hvíta húsið. Þá myndum við losna við hann, hann myndi örugglega kalla Ameríska herinn heim frá Keflavík, og kanarnir hefðu einhvern örvita sem þeir geta hlegið að sem forseta. Það hlýtur að vera eina ástæðan fyrir því að þeir eru að hugsa um að kjósa Bush vitleysinginn yfir sig aftur, þ.e. að þeir geta a.m.k. hlegið að honum, annað en til dæmis Al Gore sem er víst leiðinlegri en Halldór Ásgríms og Geir Haarde til samans. En við fáum víst ekki að kjósa, þannig að maður verður að gera sér þetta að góðu.
Er að fara í próf í Stjórnun á eftir. Massa það, enda læt ég mjög vel að stjórn. | Verið ófeimin! |
| 13.10.2004 @ 21:18 | bjorninn | Svíar eru og hafa alltaf verið óþolandi. Ég ætla aldrei að kaupa mér Volvo, það er á hreinu. | 7 ófeimnir |
| 13.10.2004 @ 10:09 | bjorninn | Er ekki lágmarkið að nenna að finna sér nýja sjoppu til að brjótast inn í þegar búið er að bösta mann einu sinni? | Verið ófeimin! |
| 10.10.2004 @ 21:19 | bjorninn | Var að bæta inn nokkrum myndum á myndasíðuna. Allt ágætt að frétta annars. Við erum bara búin að vera í rólegheitum um helgina. Búið að vera nóg að gera í vinnunni hjá mér síðustu dagana, þannig að það er ágætt að taka því bara rólega. Later | 1 ófeiminn |
| 07.10.2004 @ 11:28 | bjorninn | Fyrsta EMV færslan hefur verið gerð á Íslandi! Skál fyrir því! | 4 ófeimnir |
| 07.10.2004 @ 06:07 | bjorninn | þetta er allt að svínvirka! | 1 ófeiminn |
| 04.10.2004 @ 15:41 | bjorninn | Fullviss um að löggan sé búin að bösta þá sem hún ætlar að bösta í þessari rassíu fór ég á netið og sótti mér nýja diskinn með Nick Cave sem kemur út 26. október og er að hlusta á hann núna. Reyndar segja lögfróðir menn að það sé ekki bannað að sækja svona, bara að deila því með öðrum. Þannig að það er eins og ég hef alltaf vitað, maður á ekki að gefa öðrum með sér. Hef ekkert samviskubit yfir því að hafa sótt hann. Kaupi þennan disk líka örugglega þegar hann kemur út. Nema hann sé hrikalega lélegur, þá finnst mér ég líka alveg eiga rétt á að vita það áður en ég kaupi hann. Svo er ég líka að borga þessum andskotum í hvert skipti sem ég kaupi mér tóman geisladisk, þ.a. það hlýtur að vera í lagi að brenna þetta á disk líka, fyrst það er gert ráð fyrir því að allir sem kaupi tóma geisladiska séu glæpamenn, og látnir borga fyrir það. Líst vel á diskinn, eða það sem ég er búinn að heyra. Annars lítið að frétta. Brjálað að gera í vinnunni, stefnt að því að taka fyrstu EMV (snjallkorta, hvaðan kemur þetta orð snjallkorta, það er ekkert snjallt við þetta djöfuls rugl) færsluna í gegn í vikunni, þannig að maður verður líklega lítið heima við næstu sólarhringana. Líka nóg að gera í skólanum, miðannarpróf á morgun sem ég er ekki byrjaður að spá í. Það hlýtur að reddast. Nökkvi er fertugur í dag, og ég er ekki búinn að fá boðskort í afmælisveisluna hmmm....? En samt, til hamingju með daginn! | 3 ófeimnir |
| 29.09.2004 @ 13:58 | bjorninn | Til hamingju með nýja hæstaréttardómarann. Er að hugsa um að flytja til Miðbaugs Gíneu. | 6 ófeimnir |
| 28.09.2004 @ 19:26 | bjorninn | Viðskiptafræði er viðbjóðsleg. Er í einum kúrsi í Viðskiptafræðideild til að fylla upp í einingakvótann minn, ojbara. | Verið ófeimin! |
| 27.09.2004 @ 17:00 | bjorninn | Lokað
Vegna vandmála hjá Reiknistofu bankanna er Heimabankinn lokaður eins og stendur.
Unnið er að viðgerð.
Við biðjumst velvirðingar á þeim óþægindum sem þetta veldur.
Þetta gerir vinnuna mína enn skemmtilegri. | Verið ófeimin! |
| 26.09.2004 @ 13:54 | bjorninn | Það liggur við að maður hætti að halda með Man United þegar maður sér að Jón Steinar Gunnlaugsson heldur líka með þeim, og ekki nóg með það heldur er hann fenginn í sjónvarpsþátt til að auglýsa það! | 2 ófeimnir |
| 26.09.2004 @ 13:35 | bjorninn | Allt þokkalegt hér. Er að mana mig upp í að fara að reikna einhver helvítis stærðfræðidæmi fyrir skólann, nenni því ekki. Við erum ekkert búin að gera um helgina, bara liggja í leti. Gísli Tjörvi fór á Hornafjörð með Kollu og strákunum hennar á miðvikudaginn. Þau eru á leiðinni heim núna. Hlökkum til að fá hann heim til okkar. Fórum um síðustu helgi á Leirubakka með vinnunni minni, og gistum þar tvær nætur. Fengum rjómablíðu sem var notuð til að slappa vel ef, veiða, fara í gönguferðir, fara á hestbak, liggja í heitu pottunum, éta og fleira og fleira. Það var helvíti fínt fyrir utan eitt vægt yfirlið. Kannski maður fari að ganga með hjálm. | 3 ófeimnir |
| 24.09.2004 @ 16:46 | bjorninn | Helvítið hann Baggalútur, ætlaði að koma í byrjun sept, svo 15. sept, og nú 1. okt. | Verið ófeimin! |
| 10.09.2004 @ 12:16 | bjorninn |
McDonalds, McDonalds, Kentucky Fried Chicken and a Pizza Hut.
Horfði á Super Size Me í gærkvöldi. Heimildamynd um og eftir Morgan Spurlock, Ameríkana sem hefur áhyggjur af hvað samlandar hans eru að verða feitir, fórnar sér fyrir málstaðinn og étur ekkert annað en McDonalds viðbjóð í einn mánuð. Óhætt að segja að þetta er helvíti mögnuð mynd, og ótrúlegt að fylgjast með Spurlock sem var nokkuð fitt og flottur gæji fyrir tilraunina, verða að úrvinda, útjöskuðu flaki á innan við mánuði. En örugglega margir sem misskilja pointið aðeins, og hugsa með sér eftir að horfa á myndina, "Ég ætla aldrei að borða McDonalds aftur", vippa sér svo inn á Burger King og skella í sig einum Whopper. Karlinn þyrfti eiginlega að gera aðra mynd og éta bara Burger King, og svo aðra og éta bara KFC (verst að hann dræpist örugglega eftir viku af KFC jukkinu), og svo aðra og aðra og aðra. En hann valdi Magga Dóna af því þeir eru einna stærstir í bransanum og þar á bæ höfðu menn lýst því yfir að það væri hægt að éta ekkert annað en matinn þeirra og vera í góðum málum. Eru líka einna grimmastir í að lokka til sín smákrakkana með auglýsingum, dóti og alls konar brellum, enda þekkja fimm ára krakkar í USA frekar Ronald McDonald heldur en Jesús á mynd. Fljótlega eftir að myndin var sýnd ákváðu Ronald og co svo að hætta að bjóða upp á ofurstærð af máltíðunum og fóru að bjóða upp á úrval af salötum (sem eru reyndar feitari en BicMac ef þú notar dressinguna). En það hafði ekkert með myndina að gera, segja McDonalds, tímasetningin bara tóm tilviljun. En magnaður andskoti að það þurfi að gera eitthvað svona til að fólk sjái að þetta er viðbjóður. Þetta er nú reyndar enn meiri vibbi en maður átti von á. Jæja best að fara að gúffa í sig pizzuni sem var að koma inn um dyrnar, á vel við núna. | 17 ófeimnir |
| 07.09.2004 @ 09:12 | bjorninn | Hey, Íris stóra sys á ammæli í dag! Til hamingju með daginn! | 3 ófeimnir |
| 03.09.2004 @ 09:00 | bjorninn | Ætli sé ekki fínt að búa í Hafnarfirði? Kannskiekki! | 8 ófeimnir |
| 01.09.2004 @ 13:35 | bjorninn | Kom hjólandi í vinnuna í morgun eftir nokkurra daga hlé vegna veðurs. Sýndist vera þetta fína veður þegar ég lagði af stað, blankalogn og fínheit á Meistaravöllunum. En þegar kom niður á Ægissíðu tók við hífandi mótvindur og sjórok. Ekki lét Björninn það stoppa sig heldur barðist alla leið upp í Kópavog með ófögnuðinn í fangið. Var að vonum pungsveittur og móður eins og versti hjartasjúklingur þegar þetta hafðist að lokum. Ekki hjálpaði til að maður þarf að enda á djöfuls brekkunni hér upp á Arnarneshæðina. Mætti líka nokkrum djöflum sem voru að hjóla í gagnstæða átt með vindinn í bakið. Það styrkti mann bara að horfa á glottið á þeim þegar maður mætti þeim, því djöfull skal ég hlæja framan í þá þegar ég mæti þeim á heimleiðinni á seinna hundraðinu á bullandi lensi. Djöfull vona ég að það eigi eftir að hvessa meira í dag. Við keyptum Rooney í gær. Spurning hvort hann geti bjargað einhverju, hugsa ekki, dugar ekki að kaupa tóma heiladauða, testósterónstútfulla strækera þegar miðjan er verri en hjá KR. | 6 ófeimnir |
| 30.08.2004 @ 13:28 | bjorninn | Ég hef áhyggjur af strákunum. Við hefðum aldrei átt að selja Beckham. | 4 ófeimnir |
| 28.08.2004 @ 23:14 | bjorninn | Allt að verða vitlaust í uppfærslum. Var að henda inn tveimur albúmum á myndasíðuna. Annars vegar myndir frá því í júlí og hins vegar ágúst. Fullt af myndum, t.d. Sunna Kristín á leið í leikskólann. Er búinn að sjá það að það getur verið stór ókostur að eiga of stórt minniskort í stafrænu myndavélina. Meðan við áttum bara litla kortið neyddist maður til að tappa reglulega af vélinni, en núna getur maður tekið myndir næstum endalaust án þess að tæma. Gæti líka verið að mann vanti bara nýja flottari myndavél, svo maður verði duglegri að taka myndir og fylla kortið. Maður er alltaf miklu duglegri að taka myndir þegar maður á nýja myndavél ;o) | 1 ófeiminn |
| 28.08.2004 @ 00:18 | bjorninn | Jæjajæjajæja, runnið af mér. Mun tíðari uppfærslur hér, heldur en hjá sumum, svo hættið þessu væli. Hér er allt að gerast. Ég á að vera byrjaður í skólanum, en hefur ekki gefist tími til þess, allt of mikið að gera. Allt vitlaust í vinnunni. EMV er að koma!!! Gísli Tjörvi er byrjaður í skólanum sínum og Sunna Kristín er byrjuð í leikskólanum. Hún byrjaði í aðlögun á Grandaborg núna á mánudaginn og er búin að vera ótrúlega dugleg. Þar er líka fullt af skemmtilegum krökkum, og alls konar dót, rennibraut og sandkassi og allt. Hún fór fyrst bara í stuttar heimsóknir, sem lengdust smám saman, og í dag var hún svo alein frá því snemma í morgun þar til hún var búin að leggja sig eftir matinn, og kom svo heim um hálf þrjú. Hún hefur nú reyndar hana Freyju sína með sér til halds og trausts svona fyrstu dagana a.m.k. Við Hrafnhildur áttum þriggja ára brúðkaupsafmæli núna um daginn, gerðumst menningarleg af því tilefni og fórum í leikhús. Sáum Rómeó og Júlíu í Borgarleikhúsinu. Alveg helvíti mögnuð leik- og loftfimleikasýning. Ætla svo að reyna að læra eitthvað um helgina :o( | 2 ófeimnir |
| 20.08.2004 @ 09:08 | bjorninn | Þessi fyrirsögn er á forsíðu Fréttablaðsins í dag:
Björn drakk sig fullan
Braut upp kælikassa fólks í útilegu
| 18.08.2004 @ 09:28 | bjorninn | Banani og tvöfaldur espresso í morgunmat er málið. Eftir það er maður til í allt. | 5 ófeimnir |
| 13.08.2004 @ 20:28 | bjorninn | Hvað er málið með að vera að sýna frá þessari fáránlegu opnunarathöfn Ólympíuleikanna. Sammi og Balli Bergs sitja og gusa út úr sér sinni takmörkuðu landafræðiþekkingu, sem byggist á að lesa af blaði hversu margir búa í hverju landi og hversu margir ferkílómtetrar þau eru, meðan að óteljandi keppendur óteljandi þjóða labba inn á völlinn í misljótum búningum og veifa. Frábært sjónvarpsefni. Get huggað mig við að Enski boltinn byrjar á morgun á Skjá einum, frítt. Mögnuð snilld. | 3 ófeimnir |
| 11.08.2004 @ 13:26 | bjorninn | Fékk eftirfarandi skeyti í tölvupósti í morgun:
Kæri Björn
Skrifstofu Sjálfstæðisflokksins hefur borist inntökubeiðni þín í Heimdall í Sjálfstæðisflokknum. Í inntökubeiðninni koma fram eftirtaldar upplýsingar:
Nafn: Björn xxxxxxxxxxson
Kennitala: xxxxxxxxxx
Heimilisfang: xxxxxxxxx xx
Póstnúmer: xxx
Staður: xxxxxxxxx
Netfang: bjorn02@ru.is
Heimasími:
Vinnusími:
GSM: xxxxxxx
Vinsamlega láttu okkur vita ef þær eru ekki réttar eða þú telur þeim ábótavant. Ef þær eru réttar þarftu ekkert að gera og inntökubeiðnin fer til stjórnar félagsins sem þarf skv. skipulagsreglum Sjálfstæðisflokksins að samþykkja hana.
Bestu þakkir.
Starfsfólk Sjálfstæðisflokksins
Greyið gaf semsagt upp póstfangið mitt í umsókninni. Ég er spá í að afturkalla umsóknina hans í Sjálfstæðisflokkinn og sækja um fyrir hann í Samfylkingunni. Svona er maður aumingjagóður. | 1 ófeiminn |
| 10.08.2004 @ 14:54 | bjorninn | Hér geymi ég upptöku af Metallica tónleikunum í Egilshöll í sumar. Sennilega eruð þið glæpamenn (eins og ég) ef þið sækið þetta, en hver ætli komist svo sem að því... | 3 ófeimnir |
| 10.08.2004 @ 09:22 | bjorninn | KR-ingar hafa greinilega ákveðið að stinga höfðinu í sandinn og hunsa könnunina mína. | 1 ófeiminn |
| 08.08.2004 @ 22:01 | bjorninn | Kannski maður skrifi nokkur orð um ævintýri helgarinnar, og kannski síðustu helgar líka fyrst maður er ekki enn búinn að því. Hrafnhildur var að vinna hluta verslunarmannahelgarinnar þannig að við vorum bara í rólegheitum hér í bænum. Á sunnudagskvöldinu fengum við Örnu, Óskar litla, Óskar stóra, Sylvíu og Gest í mat til okkar, grilluðum læri, drukkum rauðvín og bjór og spjölluðum fram á nótt. Fórum svo í Húsdýragarðinn á mánudeginum með Kollu, Palla, Birki og Eiði sem átti 10 ára afmæli. Kíktum á dýrin og strákarnir léku sér í tækjunum (biðu aðallega í biðröðum eftir að komast í tækin samt). Hittum líka Hildi móðu, Gunnþór og þeirra börn í garðinum, en þau voru í sumarfríi hér í spillingunni. Íris systir, Yrsa Líf, Darri Snær og Fáfnir Freyr kíktu í heimsókn til okkar í vikunni. Komu við hjá okkur á leiðinni til Ólafsvíkur, þar sem þau ætluðu að vera í nokkra daga. Mamma átti síðan afmæli þann 4. ágúst. Fórum svo í tvær afmælisveislur í gær. Fyrst til Eiðs Tjörva, og svo fórum við í gærkvöld í 30 ára afmælið hennar Sylvíu. Nú fara þrítugsafmælin að hellast yfir vinahópinn í bunum, sjitt hvað maður er að verða gamall. Það var nú samt djammað og djúsað fram á nótt, þrátt fyrir háan aldur. Vorum samt komin heim um hálf þrjú, sem var mun fyrr en margir aðrir sem voru víst að skríða heim tímanlega í morgunmatinn. Dagurinn í dag var samt alveg nógu lýjandi. Sunna Kristín vaknaði auðvitað eldhress klukkan 8. Sýndi enga miskunn svo við vorum komin út á róló fyrir hádegi. Hrafnhildur og Gísli Tjörvi kíktu í bíó seinnipartinn. Ætluðu að sjá Spiderman 2, en hún var svo ekki sýnd á réttum tíma svo þau sáu bara Gretti í staðinn. Hmmm ekkert partý á efstu hæðinni um helgina, ætli þetta sé ekki lognið á undan storminum... | Verið ófeimin! |
| 06.08.2004 @ 16:03 | bjorninn | Spáið í hvað væri miklu skemmtilegra að skíta í svona klósett. | 4 ófeimnir |
| 30.07.2004 @ 10:45 | bjorninn | Spurning hvort að Nesjamenn fatti þetta nokkurn tímann til að komast út á Höfn, en eins og allir vita er pípuhliðið þar til að halda Nesjamönnum fyrir utan bæjarmörkin. | 14 ófeimnir |
| 29.07.2004 @ 22:24 | bjorninn | Þá er verslunarmannahelgin að renna upp. Verður líklega frekar róleg helgi hjá okkur því Hrafnhildur verður að vinna mest alla helgina. Nema náttúrulega það verði einhvers konar innihátíð á efstu hæðinni hjá okkur um helgina, þá verður líklega ekki svo rólegt, a.m.k miðað við hvernig venjuleg helgi er á þeim bænum. Þau verða kannski í harðri samkeppni við Innipúkann hans dr. gunna og Svavars frænda. Vonandi bara að penthousepakkið hunskist til Eyja, eða á einhvern annan jafn ömurlegan stað, og verði veðurteppt þar fram á vor. Skattmann ætlar að gefa mér einhverjar krónur á morgun, fékk fréttir af því í dag á vefsíðunni hans. Það er að sjálfsögðu löngu búið að ráðstafa þeim aurum, eins og venjan er á þessu heimili. Alltaf að eyða peningunum áður en maður eignast þá, þá þarf maður ekki að vera að vandræðast með hvað á að gera við alla seðlana. Í ár fara spírurnar frá Indriða í að borga fyrir sukkið í Portúgal í sumar. Maður skýtur kannski þúsara undan og eyðir í bjórkippu, svona í tilefni helgarinnar. | Verið ófeimin! |
| 26.07.2004 @ 11:57 | bjorninn | Tókum okkur til og gerðum herbergið hennar Sunnu Kristínar klárt um helgina. Það voru heilu fjöllin af alls konar drasli þar inni. Sumt endaði í ruslinu, en öðru var gefinn séns, troðið eitthvað annað þar til í næstu tiltekt. Keyptum svo hillur og mottur og ljós og fleira dót í IKEA. Hún svaf svo í herberginu sínu í fyrsta skipti í nótt. Henni fannst það nú ekki mikið mál, enda víkingur eins og pabbi sinn. Svo var tóm gleði á efstu hæðinni á stigaganginum okkar um helgina. Standandi dóp og brennivínspartý frá fimmtudegi til sunnudags. Maður var eðlilega frekar fúll yfir að vera ekki boðinn, svo að í gærmorgun var öslað gegnum glerbrotin, draslið og bjórlækinn sem liðaðist niður stigann, upp á efstu hæð og kvartað. Pakkinu verður hent út, hugsanlega fram af svölunum, ef við verðum ekki boðin í næsta partý. Fórum svo í 35 ára afmæli til Pallamagg í gær. Þar var boðið upp á súkkilaðitertu með öllu, en vantaði samt rauðvínskútinn sem ég átti von á að yrði þar. Hjólaði ekki í vinnuna í morgun, djöfuls aumingjaskapur, nennti því bara alls ekki. Það var svo helvíti gott að liggja í bólinu til hálf níu. Maður þurfti náttúrulega að hvíla sig vel eftir svona erfiða helgi. | 4 ófeimnir |
| 23.07.2004 @ 16:13 | bjorninn | Það er ausandi vatnsveður úti, og ég kom á hjólinu í vinnuna. Best að skipta yfir á regndekkin. Ætla ekki að taka neitt þjónustuhlé. | 2 ófeimnir |
| 19.07.2004 @ 12:17 | bjorninn | Verst að hafa misst af þessu í ár. Maður tekur bara þátt á næsta ári. | 2 ófeimnir |
| 17.07.2004 @ 11:44 | bjorninn | Gísli Tjörvi er kominn til Reykjavíkur eftir að hafa verið í heimsókn á Hornafirði. Hann kom í gær með Amalíu ömmu og Tjörva afa, sem eru í Reykjavík í sumarfríi núna. Gott að vera komin með kappann heim. Hrafnhildur er sofandi, var á næturvakt í nótt og fer aftur núna næstu nótt, þannig að þetta verður frekar róleg helgi hjá okkur. Hún er semsagt búin með sumarfríið sitt í bili. Við eigum bæði einhverja daga inni sem verða notaðir í eitthvað skemmtilegt í haust eða einhvern tímann. Var áfram hrikalega duglegur á hjólinu í vikunni. Hjólaði alla dagana nema á þriðjudaginn. Lýsið rennur í stríðum straumum um reiðhjólastíga borgarinnar. Þetta er þvílík snilld að hjóla í vinnuna, maður hefði átt að byrja miklu fyrr á þessu. Þessi hér ætti kannski að halda sig bara við reiðhjól. Ég sigraði að sjálfsögðu með yfirburðum í massakönnuninni, enda ekki við öðru að búast. Var með svipað fylgi og Ólafur Ragnar í forsetakosningunum, ekki slæmt það. Jói Fel var þá Ástþór, var kosinn af sjálfum sér og kannski konunni sinni, átti aldrei séns, og sjálfstæðismennirnir kusu He-Man. Ný, rússnesk, könnun mætt á svæðið núna. | Verið ófeimin! |
| 11.07.2004 @ 15:58 | bjorninn | Hrafnhildur og Sunna Kristín eru á leiðinni frá Hornafirði. Förum beinustu leið í afmælisveislu til Óskars þegar þær koma. Hann er alveg að verða eins árs. Gísli Tjörvi ákvað að verða eftir á Hornafirði. Ætlar að vera þar í nokkra daga í viðbót og láta ömmur og afa stjana aðeins meira við sig. Honum leiðist það nú ekki. Ég er búinn að vera hrikalega duglegur að hjóla, hjólaði í vinnuna og heim aftur næstum alla síðustu viku. Það eru þá um 20 km sem maður hjólar á dag. Djöfuls harka. | 3 ófeimnir |
| 08.07.2004 @ 23:54 | bjorninn | Í dag safnaðist fólk saman fyrir utan alþingi og hrópaði: "Við viljum kjósa". Ég hef ákveðið að verða við þessari ósk og lagði á mig mikla vinnu til að færa fólki kosningar. Aumur í rassinum hef ég nú setið við tölvuna í allt kvöld og forritað. Þar sem Dabbi og félagar eru að gera sitt besta til að taka stjórnarskrárbundinn kosningarétt af fólki, er mikilvægt að allir sýni samstöðu í verki og noti kosningaréttinn sem ég hef fært ykkur. Hér vinstra megin á síðunni getið þið nú kosið um eitt mikilvægasta mál í sögu lýðveldisins. Gjöriði svo vel! | 1 ófeiminn |
| 08.07.2004 @ 10:48 | bjorninn | Var að vinna 50 milljón evrur í hollenska lottóinu. Fékk tölvupóst þess efnis núna rétt áðan. Þetta er greinilega miklu betra lottó en þetta íslenska djönk. Hef oft keypt miða í því og einu sinni fengið 3 rétta, sem dugði ekki einu sinni fyrir miðanum, en hef aldrei keypt miða í því hollenska en er samt búinn að vinna 4 og hálfan milljarð. | 2 ófeimnir |
Snillingurinn hann Gísli Tjörvi var að fá viðurkenningu fyrir þessa stórglæsilegu mynd af honum Gáttaþefi sem hann sendi inn í 
Hafrún reddaði auðvitað málunum. Hún og Björgvin komu til okkar í gærkvöldi. Borðuðu með okkur lambalæri og meððí, og svo ís og rjóma í eftirrétt. Ekki leiðinlegt það. Þau pössuðu svo fyrir okkur þessar elskur, svo við komumst semsagt á tónleikana, og ég held að enginn hafi orðið fyrir vonbrigðum.
Mér finnst að allur heimurinn ætti að fá að kjósa í bandarísku forsetakosningunum. Það hefur örugglega töluvert meiri áhrif á Íraka til dæmis heldur en Bandaríkjamenn, hvaða kúkú það er sem fær að teljast valdamesti maður heims. Er ekki einhvern veginn í andskotanum hægt að koma 
McDonalds, McDonalds, Kentucky Fried Chicken and a Pizza Hut.